Maktablarda yangi o‘quv yili 2-sentabrdan boshlanadi
795 mingdan ortiq birinchi sinf o‘quvchisiga 12 nomdagi o‘quv qurollaridan iborat “Prezident sovg‘asi” topshiriladi.
O‘zbekistondagi barcha umumta’lim maktablarida 2026/2027-o‘quv yili 2-sentabr, chorshanba kuni boshlanadi.
Yangi o‘quv yilida maktabga ilk bor qadam qo‘yadigan 795 mingdan ortiq birinchi sinf o‘quvchisiga 12 nomdagi o‘quv qurollaridan iborat “Prezident sovg‘asi” topshiriladi.
Eslatib o‘tamiz, avvalroq 2026/2027-o‘quv yilida akademik litsey va texnikumlarda o‘quv jarayonlari 2-sentabrdan boshlanishi ma’lum qilingan edi.
Oliy ta’lim tashkilotlarida esa yangi o‘quv yili:
-
1-bosqich talabalari uchun — 7-sentabrdan;
-
2-bosqich va undan yuqori bosqich talabalari uchun — 14-sentabrdan boshlanadi.
