Eron Iroq neft tankerlarining bir qismiga Hormuz bo‘g‘ozidan o‘tishga ruxsat berdi
Bag‘dod bu masalani Eron rasmiylari bilan muhokama qilgan.
Eron Iroqning takroriy murojaatlaridan so‘ng mamlakat neft tankerlarining bir qismiga Hormuz bo‘g‘ozidan o‘tishga maxsus ruxsat berdi. Bu haqda Eronning IRNA davlat axborot agentliga tayanib, Reuters xabar berdi.
Maxsus ruxsat olish masalasi Iroq parlamenti spikeri Muhammad Boqir Qolibafning Iroqqa tashrifi chog‘ida Bag‘dod tomonidan bildirilgan asosiy talablardan biri bo‘lgan.
Iroq Prezidenti Nizar Amediyning ma’lum qilishicha, Eron so‘nggi kunlarda Iroq neftini tashuvchi kemalarning bo‘g‘ozdan o‘tishini yengillashtirgan. Tomonlar Iroq neftini Hormuz orqali eksport qilish masalasini ham muhokama qilgan. Shu bilan birga, Amedi masala hanuz murakkab ekanini ta’kidladi.
Hormuz bo‘g‘ozining amalda yopilishi Iroqqa jiddiy ta’sir ko‘rsatgan. Hozirda bo‘g‘oz orqali kemalar qatnovi urushdan oldingi darajadan ancha past, hududda kemalarga hujumlar ham davom etmoqda. Iroq neft eksportining muqobil yo‘llarini kengaytirishga urinmoqda.
Xususan, mamlakat Turkiyaning Jeyhan porti orqali eksportni oshirish, shuningdek, Suriya va Iordaniya portlari orqali neft eksportini boshlashni rejalashtirmoqda.
