Netanyaxu Erdog‘anni keskin tanqid qildi
Isroil Turkiyaning Netanyaxuni xalqaro qidiruvga berish haqidagi talabiga javob berdi.
Isroil Bosh vaziri Benyamin Netanyaxu idorasi Turkiyaning Netanyaxuga nisbatan Interpol orqali “qizil ogohlantirish” e’lon qilish haqidagi murojaatiga munosabat bildirdi. Bayonotda u Rajab Toyyib Erdog‘anni “antisemit diktator” deb atagan. Bu haqda The Times of Israel xabar berdi.
Shuningdek, Isroil tomoni Turkiyaning mintaqadagi siyosati va Suriyadagi faoliyatini tanqid qilib, mamlakat xavfsizligiga tahdid soluvchi har qanday harakatga qarshi qat’iy choralar ko‘rishda davom etishini ma’lum qilgan.
Isroil tomonining ta’kidlashicha, Erdog‘anning Isroil rahbariyati va harbiylarini qo‘rqitishga qaratilgan urinishlari natija bermaydi. Shuningdek, Isroil Turkiyaning mintaqadagi vaziyatni beqarorlashtirishga qaratilgan harakatlari va xavfsizligiga tahdidlariga qarshi qat’iy choralar ko‘rishda davom etishini ma’lum qilgan.
Avvalroq, Turkiya Adliya vazirligi Isroil Bosh vaziri Benyamin Netanyaxuni genotsid ayblovlari bo‘yicha xalqaro qidiruvga berish va Interpol orqali hibsga olish orderi chiqarishni so‘ragani xabar qilingan edi.
