Prezident: “Biz bugun kechagidan kuchlimiz. Nasib etsa ertaga bundan ham kuchli bo‘lamiz”
Prezident Shavkat Mirziyoyev Mustaqillikning 35 yilligiga bag‘ishlangan nutqida xalqni birlik va hamjihatlikka chorladi.
Prezident Shavkat Mirziyoyev O‘zbekiston davlat mustaqilligining 35 yilligiga bag‘ishlangan tantanali marosimdagi nutqini mamlakat kelajagiga ishonch va xalqni birlikka chorlovchi fikrlar bilan yakunladi.
Davlat rahbari 35 yillik mustaqil taraqqiyot xalq va davlat yagona maqsad yo‘lida birlashib, astoydil harakat qilsa, erishib bo‘lmaydigan marralar yo‘qligini ko‘rsatganini ta’kidladi.
“Biz bugun kechagidan kuchlimiz. Nasib etsa, ertaga bundan ham kuchli bo‘lamiz!” — dedi Prezident.
Shavkat Mirziyoyev yagona Vatan va yagona xalq bo‘lib, yangi hayot hamda buyuk kelajakni birgalikda barpo etishga chaqirdi.
Prezident matonatli, mard va oliyjanob xalq o‘z oldiga qo‘ygan ulug‘ maqsadlarga albatta yetishiga ishonch bildirdi.
Davlat rahbari nutqining yakunida O‘zbekistonning yangi buyuk tarixini xalq bilan birgalikda yaratishiga ishonch bildirdi va yurtda tinchlik, xonadonlarda obodlik va farovonlik bo‘lishini tiladi.
Shuningdek, Prezident xalqni O‘zbekiston Respublikasi davlat mustaqilligining 35 yilligi bilan yana bir bor tabrikladi.
