Hindiston Bosh vaziri "Yangi O‘zbekiston" bog‘iga tashrif buyurdi
Narendra Modi Mustaqillik monumenti poyiga gul qo‘ydi.
Hindiston Respublikasi Bosh vaziri Narendra Modi O‘zbekiston Respublikasi Prezidenti Shavkat Mirziyoyev hamrohligida "Yangi O‘zbekiston" bog‘iga tashrif buyurdi.
An’anaga ko‘ra, oliy martabali mehmon Mustaqillik monumenti poyiga gul qo‘ydi.
Majmua bilan qisqacha tanishuv davomida ushbu me’moriy ansamblning mazmuni va o‘ziga xos xususiyatlari haqida ma’lumot berildi.
Avval xabar berilganidek, davlat tashrifi doirasida O‘zbekiston–Hindiston strategik sheriklik munosabatlarini yanada rivojlantirish va ko‘p qirrali hamkorlikni kengaytirish masalalari muhokama qilinadi.
Tashrifning asosiy tadbirlari ertaga, 30-avgust kuni bo‘lib o‘tadi.
