Narendra Modi 29–30-avgust kunlari O‘zbekistonda bo‘ladi
Tashrif Shavkat Mirziyoyevning taklifiga binoan amalga oshirilmoqda.
Prezident Shavkat Mirziyoyevning taklifiga binoan Hindiston Bosh vaziri Narendra Modi 29–30-avgust kunlari davlat tashrifi bilan O‘zbekistonda bo‘ladi.
Tashrif doirasida O‘zbekiston–Hindiston strategik sheriklik munosabatlarini yanada rivojlantirish va ko‘p qirrali hamkorlikni kengaytirish masalalari muhokama qilinadi.
Muzokaralarda siyosiy muloqot va madaniy-gumanitar aloqalarni rivojlantirish, shuningdek, savdo, energetika, kimyo, geologiya, sog‘liqni saqlash, farmatsevtika, qishloq xo‘jaligi, mashinasozlik va boshqa sohalarda yangi qo‘shma loyihalarni ilgari surishga alohida e’tibor qaratiladi.
Shuningdek, xalqaro va mintaqaviy kun tartibidagi dolzarb masalalar, ko‘p tomonlama tuzilmalar doirasidagi hamkorlik yuzasidan fikr almashiladi.
Tashrif yakunida ikki tomonlama hamkorlikning turli yo‘nalishlariga oid qator hujjatlarni imzolash ko‘zda tutilgan.
