O‘zbekiston Prezidenti Butunjahon ko‘chmanchilar o‘yinlarining ochilish marosimida ishtirok etdi
Musobaqalarda 90 dan ortiq mamlakatdan 3 mingdan ziyod sportchi ishtirok etmoqda.
O‘zbekiston Respublikasi Prezidenti Shavkat Mirziyoyev Bishkek shahriga tashrifi doirasida VI Butunjahon ko‘chmanchilar o‘yinlarining tantanali ochilish marosimida qatnashdi.
“Bishkek-Arena” stadionida bo‘lib o‘tgan tadbirda Shanxay hamkorlik tashkilotiga a’zo davlatlar rahbarlari va boshqa mehmonlar ishtirok etdi.
Musobaqalarda 90 dan ortiq mamlakatdan 3 mingdan ziyod sportchi, jumladan, O‘zbekistondan 141 nafar sportchi ishtirok etmoqda. Yurtdoshlarimiz 30 ta sport turi, xususan, kurash, sambo, armrestling, kamondan o‘q otish va ot sporti bo‘yicha bellashadi.
Ishtirokchilarga ko‘chmanchi xalqlarning boy madaniyati va tarixi, an’ana hamda urf-odatlariga bag‘ishlangan teatrlashtirilgan sahna ko‘rinishlari namoyish etildi.
