Marko Rubio “Buyuk xizmatlari uchun” ordeni bilan mukofotlandi

AQSh Davlat kotibi Marko Rubio O‘zbekiston va AQSh o‘rtasidagi strategik sheriklikni rivojlantirish hamda ikki mamlakat xalqlari o‘rtasidagi do‘stlik aloqalarini mustahkamlashga qo‘shgan hissasi uchun “Buyuk xizmatlari uchun” ordeni bilan taqdirlandi. Bu haqda 19-oktyabr kuni O‘zbekiston Respublikasi Prezidenti farmoni e’lon qilindi.

 

Hujjatda Marko Rubioning siyosiy-diplomatik, savdo-iqtisodiy va madaniy-gumanitar aloqalarni kengaytirish, Markaziy Osiyoda tinchlik va barqarorlikni ta’minlashga qaratilgan sa’y-harakatlarni qo‘llab-quvvatlash hamda O‘zbekistonning xalqaro tashabbuslarini ilgari surishdagi shaxsiy hissasi e’tirof etilgan.