Serjio Gor “Do‘stlik” ordeni bilan mukofotlandi
Farmonda uning investitsiyalarni jalb qilish, savdo-iqtisodiy aloqalarni kengaytirish va qo‘shma loyihalarni ilgari surishdagi xizmatlari e’tirof etilgan.
AQSh Prezidentining Janubiy va Markaziy Osiyo bo‘yicha maxsus vakili Serjio Gor O‘zbekiston va AQSh o‘rtasidagi strategik sheriklikni rivojlantirish hamda savdo-iqtisodiy va investitsiyaviy aloqalarni kengaytirishdagi xizmatlari uchun “Do‘stlik” ordeni bilan taqdirlandi. Bu haqda 19-oktyabr kuni O‘zbekiston Respublikasi Prezidentining tegishli farmoni e’lon qilindi.
Hujjatda Serjio Gorning O‘zbekistonning iqtisodiy salohiyati va investitsiyaviy imkoniyatlarini AQShda targ‘ib qilish, amerikalik investorlar va yetakchi kompaniyalarni mamlakatga jalb etish, shuningdek, energetika, sanoat va transport sohalaridagi o‘zaro manfaatli loyihalarni ilgari surishga qo‘shgan hissasi e’tirof etilgan.
Shuningdek, uning Amerika–O‘zbekiston ishbilarmonlik va investitsiya kengashi doirasidagi hamkorlikni rivojlantirish borasidagi xizmatlari qayd etilgan.
