Зеленский ва Макрон мудофаа тизимини мустаҳкамлаш бўйича декларация имзолади
Франция Украинага 100 та қирувчи самолёт, дронлар ва ракеталар етказиб беради.
Украина Президенти Володимир Зеленский ва Франция Президенти Эммануэл Макрон Парижда мудофаа соҳасида «тарихий» декларацияни имзолади. Бу келишув Украинага Франциядан 100 тага яқин Рафале қирувчи самолётлар, САМП/Т ҳаво мудофаа тизимлари, дронлар ва ракеталар етказиб беришни назарда тутади.
Зеленский ва Макрон учрашуви Villakublay ҳарбий базасида ўтказилиб, томонлар Украина ҳаво мудофаасини сезиларли даражада мустаҳкамлаш ва авиация салоҳиятини ошириш бўйича келажакдаги ҳамкорликни йўлга қўйишга келишиб олди.
Ушбу дастур доирасида Зеленский ва Макрон дрон технологиялари ва учувчилар тайёрлаш бўйича ҳам стратегик келишувларни муҳокама қилишади.
