Доналд Трампдан Шавкат Мирзиёевга мактуб келди
Трамп Мирзиёевни Тинчлик кенгашининг навбатдаги йиғилишига ҳамда G20 саммитига таклиф этди.
Ўзбекистон Президенти Шавкат Мирзиёев номига Америка Қўшма Штатлари Президенти Доналд Трампдан мактуб келди. Бу ҳақда Президент матбуот хизмати хабар берди.
Қайд этилишича, Америка етакчиси ўз мактубида давлат раҳбарининг жорий йил февраль ойида бўлиб ўтган Тинчлик кенгашининг илк йиғилишидаги иштирокини юксак баҳолади. Шавкат Мирзиёевни Тинчлик кенгашининг навбатдаги йиғилишига, шунингдек, Маямида бўлиб ўтадиган G20 саммитига таклиф этди.
“Яратган Сизни ва Ўзбекистоннинг буюк халқини ёрлақасин”, дейилади мактубда.
