UNESCO Bosh konferensiyasining 43-sessiyasi o‘tkazilishi munosabati bilan 2025-yil 30-oktabrdan 14-noyabrgacha Samarqand shahriga kirish yo‘llari vaqtincha yopiladi. Bu haqda Ichki ishlar vazirligi axborot xizmati xabar berdi.
Ma’lum qilinishicha, mazkur davrda shahar hududida xalqaro tadbirni yuqori darajada tashkil etish maqsadida xavfsizlik choralarini kuchaytirish, transport oqimini tartibga solish hamda mehmonlar harakatini qulaylashtirish ishlari olib boriladi.
Tranzit transport vositalari uchun muqobil harakat yo‘nalishlari belgilangan. IIV fuqarolardan ushbu kunlarda shahar tomon yo‘lga chiqish rejasini oldindan qayta ko‘rib chiqishlarini so‘radi.