Kredit shartnomasi — ikki tomonning masʼuliyatli kelishuvi. Ammo qarz o‘z vaqtida qaytarilmasa, uning oqibati garov mol-mulki orqali qoplanishi muqarrar.
Shu kabi holat bo‘yicha Majburiy ijro byurosi Andijon viloyati boshqarmasi ish yurituviga “Mikrokreditbank” ATB Andijon viloyati filiali foydasiga qarzdor X.I.dan jami 126 mln so‘m undirish haqida sud hujjati kelib tushdi. Sud qaroriga muvofiq, undiruv qarzdorga tegishli “HAVAL H6” rusumli avtotransport vositasiga qaratilgan.
Qarzdor tomonidan majburiyat bajarilmagani uchun ijro harakatlari olib borilib, qora rangli “HAVAL H6” avtomashinasi xatlandi.
Hozirda ushbu avtomashina elektron onlayn-auksionga 248 mln so‘m boshlang‘ich narx bilan sotuvga qo‘yilgan.Savdodan tushgan mablag‘ to‘liq qarzni qoplashga yo‘naltiriladi.