Iroqda bu yilgi yoz fasli har yilgidan issiqroq kechmoqda. Ayni vaqtda havo harorati 52 darajaga yetgan. Bu esa odatiy ko‘rsatgichlardan bir necha gradusga yuqori. Anomal issiqlik bilan birga iroqliklarning aksariyat qismi yana bir muammodan aziyat chekmoqda. Ko‘plab hududlarda elektr energiyasining uzilishi bilan bog‘liq vaziyat mavjud. Oqibatda esa muzlatgichlar, konditsioner kabi zaruriy texnikalardan foydalanib bo‘lmayapti. Chekka qishloqlar aholisi uylariga kunlab bir vatt ham elektr energiyasi yetkazib berilmayotganidan shikoyat qilmoqda.