Statistika xodimlari Germaniya yalpi ichki mahsulotining ikki chorak ketma-ket pasayishini qayd etishdi. Bu Germaniya iqtisodiyoti retsessiyaga yuz tutganini anglatadi.
Federal statistika boshqarmasi tomonidan eʼlon qilingan maʼlumotlarga ko‘ra, joriy yilning birinchi choragida yalpi ichki mahsulot oldingi uch oyga nisbatan 0,3 foizga kamaydi.
O‘tgan yilning to‘rtinchi choragida YIM o‘tgan chorakka nisbatan 0,5 foizga kamaygan.
Mutaxassislar aholining xarid qobiliyati pasayganini ham taʼkidladi. Shunga qaramay, joriy yilning birinchi choragida mamlakatda bandlik darajasi oshdi va inflyatsiya biroz pasaydi.