Apple компанияси ишлаб чиқаришни Хитойдан Ҳиндистонга кўчиради
Қарор Трампнинг савдо сиёсати билан боғлиқ.
Apple компанияси АҚШ ва Хитой ўртасидаги савдо урушининг кучайиши туфайли ўз смартфонларини ишлаб чиқаришни Хитойдан Ҳиндистонга кўчиришни режалаштирмоқда. Бу ҳақда халқаро оммавий ахборот воситалари хабар бермоқда.
Мутахассислар бу қарорни Доналд Трампнинг савдо сиёсати билан боғлашмоқда. У Хитойдан импорт қилинадиган маҳсулотларга юқори божлар жорий этиб, Америка компанияларини ички ёки альтернатив бозорларга ўтишга мажбур қилмоқда.
Appleнинг ушбу қадами Ҳиндистоннинг технологик салоҳиятини янада ошириши ва мамлакатни йирик ишлаб чиқариш марказларидан бирига айлантириши мумкин.
