Isroilda Pegasus josuslik dasturi atrofidagi mojaro fonida Nokia telefon apparatlari savdosi oshib ketdi.
Mojaro “Kalkalist” gazetasida eʼlon qilingan yirik jurnalistik surishtiruvdan so‘ng boshlandi. Maqola mualliflari taʼkidlashicha, josuslik dasturi politsiya xabari bilan siyosatchilar, davlat arboblari, yirik tashkilot rahbarlari va boshqalarning telefoniga o‘rnatilgan.
Jurnalistlar bu qonunga xilof ekanini aytmoqda. Maʼlumotlar aniq bir maqsad bilan emas, balki "ish berib qolar" degan fikr bilan kuzatilgan.
Amerika maxsus xizmatlarining sobiq xodimi Edvard Snouden Baydenning ham telefoni kuzatilganini aytgan edi.
Eslatib o‘tamiz, avvalroq Fransiya prezidenti Emmanuel Makron, o‘sha paytdagi bosh vazir va yana 14 vazirning telefonlarida Isroilning Pegasus dasturiy taʼminoti orqali josuslik qilingan bo‘lishi mumkinligi haqida xabar berilgandi. Shuningdek, “Guardian” nashri dunyoning 11 mamlakatidagi hukumat amaldorlari Isroilning "NSO Group" kompaniyasiga qarashli “Pegasus” josuslik dasturidan jurnalistlar va muxolifatdagi siyosatchilarni kuzatishda foydalanganini yozgandi.
Sharofat Mahmudova
