O‘zbekiston Respublikasi Prezidenti farmoniga binoan, inson qadri va ajdodlar merosini ulug‘lash hamda ularning mamlakatimiz ilm-fan, adabiyot, madaniyat va san’at sohalaridagi xizmatlarini e’tirof etish maqsadida bir qator marhum siymolar davlat mukofotlari bilan taqdirlandi.
"Fidokorona xizmatlari uchun' ordeni bilan:
O‘ktam Aripov – O‘zbekiston Respublikasi fan arbobi, akademik, taniqli jarroh olim.
Vali G‘afurov – O‘zbekistonda xizmat ko‘rsatgan madaniyat xodimi, adib.
To‘xtasin Jalolov – Yozuvchilar uyushmasi a’zosi, adabiyotshunos olim va tarjimon.
Vasil Kabulovich Kabulov – O‘zbekiston fan arbobi, akademik, kibernetika olimi.
Begali Qosimov – Fan arbobi, jahonshumul jamoatchilikka tanilgan jadidshunos olim.
Quddus Muhammadiy (Quddus Muhammadov) – O‘zbekiston xalq shoiri.
Rauf Parfi (Tursunali Parfiev) – O‘zbekiston xalq shoiri.
Murad Radjapov – O‘zbekiston xalq artisti, teatr va kino aktyori.
Alibek Rustamiy (Alibek Rustamov) – O‘zbekiston Fanlar akademiyasi akademigi, adabiyotshunos olim.
To‘ra Sulaymon (To‘ra Sulaymonov) – O‘zbekiston xalq shoiri.
Mamirjon Tuxtasinov – O‘zbekiston xalq artisti, mashhur xonanda.
Muhritdin Xalikov – O‘zbekistonda xizmat ko‘rsatgan artist, xonanda.
Ibrohim Xamraboev – Fan arbobi, akademik, geolog olim.
Muhammad Yusuf (Muhammadjon Yusupov) – O‘zbekiston xalq shoiri.
"Do‘stlik" ordeni bilan:
Bahodir Yuldashev – “Diydor” teatr-studiyasi badiiy rahbari.
Farmonda ta’kidlanganidek, ushbu siymolarning boy merosi, sermazmun ijodi va Vatan oldidagi xizmatlari xalqimiz xotirasida abadiy yashaydi.