Baxtsiz hodisa sabab yelkasidan pastki qismi shol bo‘lib qolgan 29 yoshli bemor Noland Arbo noutbukida shaxmat o‘ynadi va Neuralink qurilmasi yordamida kursorni harakatga keltirdi.
O‘tgan oy Mask ushbu chip kompyuter sichqonchasini boshqarishi mumkinligini eʼlon qilgandi.
"Jarrohlik operatsiyasi juda oson bo‘ldi. Men bir kundan keyin kasalxonadan chiqdim. Menda kognitiv buzilishlar yo‘q", deydi bemor.
Miya chipi tufayli Neuralink barcha elektron qurilmalardan faqat fikrlash orqali foydalanishni maqsad qilgan. Birinchi bosqichda u faqat oyoq-qo‘llarini ishlata olmaydigan bemorlarda sinovdan o‘tkazilmoqda.
Neuralink kompaniyasi inson miyasi va kompyuter o‘rtasida aloqa o‘rnatish orqali nevrologik muammolarga yechim ishlab chiqarishni maqsad qilgan.