“Paxtakor” futbol klubi hujumchisi Muhammadali O‘rinboyev professional faoliyatini Yevropada davom ettiradi. 20 yoshli futbolchi Belgiyaning “Antverpen” jamoasi bilan 2029-yilning 30-iyuniga qadar mo‘ljallangan shartnoma imzolagan. Bu haqda klubning matbuot xizmati rasmiy bayonot bergan.
Muhammadali O‘rinboyev 2024-yilgi mavsumda “Paxtakor” safida 14 ta rasmiy uchrashuvda ishtirok etib, 5 ta gol muallifi bo‘lgan hamda 3 ta golli uzatma bergan. U jamoaning asosiy tarkibidagi ishonchli o‘yinchilardan biri sifatida tanilgan.
Ma’lumot uchun, “Antverpen” — Belgiyaning eng yirik futbol klublaridan biri bo‘lib, hozirgacha 5 marotaba mamlakat chempionligini qo‘lga kiritgan. Klub Yevropa miqyosida ham faol ishtirok etib kelmoqda.