2021-yil yakunlariga ko‘ra, Global ma’lumotlar barometri reytingi e’lon qilindi. Bu haqda Davlat statistika qo‘mitasi xabar bermoqda.
Ma’lum qilinishicha, ushbu reytingda 100 dan ortiq mamlakat qatnashgan. O‘zbekiston Respublikasi unda 32 ball to‘plab, 58-o‘rinni egallagan. Global ma’lumotlar barometrining “Ochiq ma’lumotlar tashabbusi”ni o‘z ichiga olgan “Imkoniyatlar” modulida mamlakat “80 ball to‘plab, 8-o‘rinni, “Boshqaruv” modulida esa 52 ball to‘plab, 19-o‘rinni egallagan.
Ta’kidlanishicha, reytingda 1-o‘rinni AQSH (68 ball), 2-o‘rinni Fransiya (66 ball), 3-o‘rinni Buyuk Britaniya (65 ball) egallagan.
Eslatib o‘tamiz, avvalroq Markaziy Osiyoning uchta davlati eng arzon elektr energiyasi bo‘yicha kuchli o‘ntalikka kirgani xabar qilingandi. Unda O‘zbekiston 7-o‘rinni band etgan.
