Qashqadaryo viloyatining G‘uzor tumanida hokimlik binosiga chorva mollarini haydab kelgan fuqaroga chora ko‘rildi. Bu haqda viloyat IIB axborot xizmati xabar berdi.
Qayd etilishicha, 27 fevral kuni fuqaro J.p. akasiga tegishli chorva mollarini G‘uzor tuman hokimligi maʼmuriy binosi oldiga haydab kelgan. Fuqaroning xatti-harakati yuzasidan G‘uzor tuman IIB tomonidan tergovga qadar surishtiruv harakatlari olib borilgan.
Fuqaro jamoat joyida yurish-turish qoidalarini qasddan mensimasdan qilgan mazkur xatti-harakatlari bilan O‘zbekiston Respublikasi Maʼmuriy javobgarlik to‘g‘risidagi kodeksning 183-moddasida nazarda tutilgan huquqbuzarlikni sodir etgan.
Mazkur huquqbuzarlik yuzasidan to‘plangan hujjatlar JIB Qamashi tuman sudiga yuborilgan. Sudning 2023 yil 3 mart kunidagi qaroriga ko‘ra, huquqbuzar J.p.ga yetti sutka qamoq jazosi tayinlangan.