Қонунни бузган бир нафар судья ишдан олинди
Яна 4 нафар масъулиятсиз судъяга интизомий жазо қўлланган.
Судьялар олий кенгаши матбуот хизмати маълум қилишича, Судьялар олий кенгаши қарори билан одил судловни амалга оширишда қонунийликни бузганлиги учун Навоий вилояти фуқаролик ишлари бўйича Кармана туманлараро судининг судьяси Бахтиёр Қутлиев лавозимидан озод этилиб, ваколатлари муддатидан илгари тугатилган.
Масъулиятсизлиги ва фаолиятида йўл қўйган камчиликлари учун:
– Хоразм вилояти судининг фуқаролик ишлари бўйича судьялари Ғайбулла Мирзаев ва Хушнуд Болтаев;
– Хоразм вилояти жиноят ишлари бўйича Янгиариқ тумани судининг раиси Жамолбек Жуманиёзов;
– Наманган вилояти фуқаролик ишлари бўйича Наманган туманлараро судининг судьяси Улуғбек Ҳамдамов;
– Андижон вилояти жиноят ишлари бўйича Қўрғонтепа судининг судьяси Озодбек Неъматуллаев интизомий жазога тортилган.
Аввалроқ лавозимидан озод этилган судялар шахси ҳақида маълумот берилганди.
