Rossiyaning Sochi shahrida O‘zbekiston fuqarosiga nisbatan giyohvand moddalar savdosi bilan bog‘liq jinoyat ishi bo‘yicha hukm o‘qildi.
Markaziy okrug sudi qaroriga ko‘ra, u sintetik giyohvand moddalarni katta miqdorda sotishga uringani uchun 7 yil muddatga qattiq tartibli koloniyada jazoni o‘tashga hukm qilindi.
Tergov ma’lumotlariga ko‘ra, sudlanuvchi jinoiy guruh tarkibida kurer vazifasini bajargan. U giyohvand modda partiyalarini qabul qilib, ularni qadoqlagan va keyinchalik sotish uchun yashirin joylarga joylashtirgan. Gumondorga beshta holat bo‘yicha ayblov qo‘yildi.
Huquq-tartibot idoralari tomonidan jinoyat faoliyati fosh etildi. Sud majlisida ayblanuvchi o‘z aybini to‘liq tan oldi, bu esa hukm belgilashda yengillashtiruvchi holat sifatida inobatga olindi.