Янги тарифлардан норози бўлган иттифоқчилар Трампнинг “заиф нуқтаси”га зарба берди
Испания, Ҳиндистон ва бошқа давлатлар F-35 харидидан воз кечмоқда, бу эса АҚШ ҳарбий саноатига миллиардлаб зарар келтириши мумкин.
Politico таҳлилига кўра, Дональд Трамп жорий этган “жазоловчи” янги тарифлар ва талаблар бир қатор давлатларнинг кескин жавоб чораларига сабаб бўлди.
Испания НАТО мудофаа харажатларини 5 фоизгача ошириш масаласида келишмовчиликлар ортдан миллиардлаб долларлик F-35 қирувчи самолётлари харидидан воз кечди. Швейцарияда ҳам юқори тарифлар фонида F-35 харидини тўхтатиш бўйича сиёсий босим кучаймоқда. Ҳиндистон эса АҚШ ҳарбий техникаси бўйича режаларни музлатиб қўйди.
Мутaxассислар бу жараён АҚШнинг дунёдаги етакчи қурол етказиб берувчи сифатидаги мавқеига путур етказиши, етказиб бериш занжирларини хавф остига қўйиши ва миллиардлаб доллар йўқотишга олиб келишини таъкидламоқда.
Испания F-35 ўрнига Буюк Британия, Германия, Италия ва Испания биргаликда ишлаб чиқаяётган Eurofighter Typhoon ҳамда келажакдаги учувчисиз Future Combat Air System лойиҳаларига маблағ йўналтириши мумкин. Ушбу янги авлод қирувчисининг 2040-йилларда ишга туширилиши режалаштирилган.
Politico бу ҳолатни “Трампнинг энг заиф нуқтаси — севимли жангчилари”га берилган зарба сифатида баҳолади.
