Маълум қилинишича, Сомалининг Хиран вилоятидаги аэропорт “Аш-Шабоб” террорчи гуруҳ жангарилари томонидан портлатилган. Оқибатда аэропорт тўлиқ вайрон бўлиб, 1 киши ҳалок бўлган. Шунингдек, икки киши яраланган.
“ террорчилар Булобурд аэропортини вайрон қилиши оқибатида 1 киши ҳалок бўлган ва 2 киши яраланган”,- Dalsan телеканали ахборотида.
“Аш-Шабоб” Сомали давлатида фаолият юритади. Ушбу гуруҳ “Ал-Қоида” халқаро террористик ташкилоти билан мустаҳкам алоқаларга эга. У Сомали марказий ҳукуматига қарши фаолият олиб боради. Бу ўз навбатида БМТ гуманитар ёрдам беришига катта қийинчилик туғдирмоқда. АҚШ доимий равишда “Аш-Шабоб” марраларига зарба бериб келади.
Эслатиб ўтамиз, аввалроқ Афғонистоннинг Кобул аэропортида теракт содир этилганди. Оқибатда юздан ортиқ киши ҳалок бўлган. Терактга жавобгарликни ИШИД зиммасига олди.
Сомалида террорчилар аэропортни тўлиқ вайрон қилди
Террорчилар Сомали марказий қисмидаги аэропорти портлатиб юборди. Бу ҳақда Dalsan телеканали маълумотларига таяниб, “Риа Новости” хабар бермоқда.
