1-yanvar kuni soat 17.30 larda Mirzo Ulug‘bek tumanining Yangi O‘zbekiston ko‘chasida “Matiz” va 2 ta “Nexia–2” rusumli avtotransport vositasi ishtirokida YTH sodir bo‘ldi.
Birlamchi surishtiruv natijalariga ko‘ra, “Matiz” va “Nexia–2” avtomashinasi haydovchilaridan birining qarama-qarshi yo‘nalishiga chiqib ketishi oqibatida to‘qnashuv yuz bergan. “Nexia–2” ortida harakatlanib kelayotgan xuddu shu rusumdagi avtomashina boshqaruvchisi esa “tormoz”ni vaqtida bosishga ulgurmagan va avariya ishtirokchisiga aylangan.
Avtohalokatda 4 kishi tan jarohati olib, kasalxonaga yotqizilgan.
Eslatib o‘tamiz, 1-yanvar kuni Toshkent shahrining Yashnobod tumanida ham 3 ta mashina ishtirokida YTH sodir bo‘lgandi.
Javohirbek Tursunov