Kecha, 17-sentyabr kuni soat 14:18 larda Olmazor tumanida yashovchi, 24 yoshli ayol o‘zi va bolalarini ko‘p qavatli uy derazasidan tashlab yubordi. Bu haqda Zamon.uz'ga Bosh prokuratura matbuot xizmati xabar qildi.
Ma’lum bo‘lishicha, ayol turmush o‘rtog‘i bilan rashq tufayli kelib chiqqan kelishmovchilik oqibatida jahl qilib, 2022 va 2024 yillarda tug‘ilgan ikki nafar o‘g‘il farzandini o‘zlari yashab turgan uyning 4-qavati yo‘lak derazasidan pastga tashlab yuborgan.
So‘ngra o‘sha uyning 8-qavati yo‘lak derazasidan o‘zini ham pastga tashlagan. Hodisa oqibatida ayol shifoxonada vafot etgan, ikki nafar voyaga yetmagan bolaning hayoti saqlanib qolingan.
Hozirda mazkur holat yuzasidan Jinoyat kodeksning 25,97-moddasi (Qasddan odam o‘ldirishga suiqasd qilish) bilan jinoyat ishi qo‘zg‘atilgan. Tergov harakatlari olib borilmoqda.