O‘zbekiston futbol assotsiatsiyasi prezidentining xatiga muvofiq, Toshkent shahar futbol assotsiatsiyasi tomonidan tasdiqlanadigan xarajatlar smetasi va shtat jadvali xarajatlari uchun 871 million so‘m ajratilgan.
Pullar aynan qanday maqsadga ishlatilishi ochiqlanmagan. Toshkent shahar mahalliy byudjetining 2023 yil davomida shakllangan qo‘shimcha manbalari hisobidan o‘tkazilishi belgilangan.
Shuningdek, Shavkat Mirziyoyevning 2020-yil 12-iyun kuni Olmazor tumaniga tashrifi davomida berilgan topshiriqlar va tumanda jamoatchilik vakillari murojaat xatiga asosan Toshkent shahar hokimligining “Maʼrifiy targ‘ibot markazi" davlat muassasasining ish haqi va unga tenglashtirilgan to‘lovlar, moddiy texnika bazasini yaxshilash xarajatlari uchun 872,4 million so‘m ham ajratilgan.