Turkiya Milliy razvedka tashkiloti (MIT) Istanbulda mahalliy aholini Isroilning Mossad razvedka xizmati bilan aloqada bo‘lganlikda gumon qilib qo‘lga oldi. Bu haqda 3-oktabr kuni TRT Haber telekanali razvedka manbalariga tayanib xabar berdi.
Ma’lumotlarga ko‘ra, “Pandora” detektiv agentligi rahbari, Turkiya fuqarosi Serkan Chichek 2025-yil iyul oyida Mossad vakillari bilan aloqa o‘rnatgan. U Istanbulda yashovchi falastinlik faollar haqida ma’lumot berishga rozilik bildirgan va buning evaziga kriptovalyutada 4 ming AQSH dollari olishi kerak edi. Biroq u razvedka xizmati bergan manzilda nishonni topa olmagan va topshiriqni bajara olmagan.
Qayd etilishicha, gumonlanuvchi MIT va mahalliy xavfsizlik boshqarmasi hamkorligida, Istanbul prokuraturasi tomonidan olib borilayotgan tergov doirasida qo‘lga olingan.