“Можарони ҳарбий усул билан ҳал этиш ҳеч кимга ғалаба келтирмайди” — Ҳамид Карзай
Афғонистон собиқ президенти мамлакатни музокаралар орқали тинчликка эришишга чақирди.
“АҚШ Афғонистонда Россия, Хитой, Эрон ва Покистон билан ҳамкорлик қилиши лозим. Муаммони ҳарбий йўл билан ҳал этишга уриниш бесамар усул, тинчликка фақатгина музокаралар орқали эришиш мумкин”,- деди Ҳамид Карзай.
Собиқ президент “Валдай” халқаро клубидаги дискуссияда иштирок этар экан “Мазкур можаронинг асоси ҳокмиятнинг ўзгариши бўлиб, АҚШ бу жараёнда иштирок этаётган асосий глобал ўйинчилар билан ҳамкорлик қилмаслигининг илложи йўқ. Мен Россия, Хитой, Эрон ва Покистонни назарда тутяпман”,- дея қайд этган.
Маълумот ўрнида, бугун ижтимоий тармоқларда “Толибон Ўзбекистон ва Тожикистон чегарасини кесиб ўтдими?” деган мазмунда материаллар тарқалди. Ўз навбатида РФ Президентининг Афғонистон бўйича махсус вакили Замир Кабулов халқаро «Валдай» клубидаги мулоқот чоғида “Толибон қўшни давлатлар чегарасини бузиб ўтмади ва бунга ҳаракат ҳам қилмайди”,- деб айтиб ўтган.
