RF prezidenti maxsus vakili bu xabarlarni inkor etdi. Tolibon qo‘shni davlatlar chegarasini buzib o‘tmadi va bunga harakat ham qilmaydi. Bu haqda RF Prezidentining Afg‘oniston bo‘yicha maxsus vakili Zamir Kabulov xalqaro “Valday” klubidagi muloqot chog‘ida maʼlum qildi.
Tolibon harakati vakillari Moskvada o‘tgan muzokaralarda o‘z pozitsiyalarini maʼlum qilishgan. Unga ko‘ra Tolibonni qo‘shni mamlakatlar qiziqtirmaydi, u Afg‘oniston hukumati xavfsizlik kuchlari bilangina kurash olib boradi.
Tolibon shu kungacha O‘zbekiston va Tojikiston chegaralarini kesib o‘tmadi va harakatning bayonotiga ko‘ra, bunga harakat ham qilmaydi. Kabulovning so‘zlarigaga ko‘ra, Tolibon o‘zaro ichki kurashlar bilan band hamda ular faqat hukumat kuchlari nazorat qilayotgan hududlarni egallab olishmoqda.
Tolibon hozirgacha Afg‘onitonning 70 % dan ortiq hududini egallab oldi va hukumat kuchlariga qarshi kurashni davom ettirmoqda. Harakat Pokiston, Eron va Tojikiston chegaralaridagi muhim punktlarni nazorat qilmoqda.
Avvalroq Oliy Majlis Senati raisi o‘rinbosari sodiq Safoyev Tolibon Afg‘onistonda katta taʼsirga ega ekanligini va harakatni Afg‘onistondagi tinchlik jarayonlariga qo‘shish zarurligini aytib o‘tgandi.