"Ҳаммага салом, мен яна сиз биланман!" — МакSим гапира бошлади
Хонанда МакSим бир ярим ой реанимацияда ва сунъий комада бўлганидан кейин ижтимоий тармоқларга қайтди. Марина инстаграмда касаллик пайтида биринчи хабарни эълон қилди. Шифокорларга миннатдорлик билдирди ва аҳволи ҳақида гапирди.
"Ҳаммага салом, мен яна сиз биланман!" — деди санъаткор томошабинларга. Aввало, у соғлиғи учун хавотирланиб, қўллаб-қувватлаган мухлисларга миннатдорчилик билдирди. Марина 52-касалхонада ўз ҳаёти учун курашган шифокорларнинг исмларини ҳам санаб ўтди.
"Бу менга жуда кўп ёрдам берди. Улар мен ҳақимда қайғуришди, мен ҳақимда ўйлашди ва ибодат қилишди. Мени бошқа дунёдан олиб кетишди", — тан олди хонанда.
Максимова уни реанимациядан оддий палатага ўтказаётганини тасдиқлади, аммо унинг соғлиғи ҳали ҳам нормал ҳолатга келмаган. Aёл ўрнидан туришга ва юришга ҳаракат қилганда, боши айланади, нафас олиши ҳам қийин бўлади. Яқин келажакдаги саёҳатлар ва ишлар МакSим учун тақиқланган, лекин у тез орада уйига қайтиб, яқинларини қучоқлаши мумкинлигидан хурсанд.
Эслатиб ўтамиз, аввалроқ МакSим коронавирус сабаб комага тушгани ҳамда хонанда мустақил нафас ола бошлагани ҳақида хабар берилганди.
