Мозори-Шариф учун қаттиқ жанглар давом этмоқда

 

«Толибон» ҳаракати расмий вакили Забиҳулло Мужоҳид  расмий ҳукумат Афғонистондаги вазият назоратини қўлдан чиқарганини маълум қилди. Бу ҳақда РИА новости хабар берди.

 

“Ҳукумат бугунги вазият назоратини буткул қўлдан чиқарди, бизнинг жангчиларимиз шиддат билан ҳаракат қилмоқда. Мозори-Шариф ҳам тез  орада эгалланади. Биз, шунингдек, ҳаракатларимизни бошқа шаҳарларда ҳам   ҳотиржамлик билан давом эттирамиз” дея таъкидлаган Мужоҳид.

 

Сўнгги кунларда Мозори-Шариф учун қаттиқ жанглар олиб борилмоқда. «Толибон» вакили Қори Саид Хостий бугун, 10 август куни  Афғон армияси махсус кучлари қўмондони Муниб Амирий жиддий жароҳат олганини маълум қилди.

 

Эслатиб ўтамиз,  сўнгги кунларда «Толибон»  йирик шаҳарларни бирин-кетин босиб олмоқда. Жумладан, шимолдаги Қундуз ва Толиқон  шаҳарлари ҳам «Толибон»  қўлига ўтган.

Жаҳонгир Қўзиев