Грецияда ўрмон ёнғинлари сабабли 118 киши қўлга олинди
Грециянинг Skai TV телеканали хабар қилишича, мамлакатда қасддан ёнғин келтириб чиқариш ёки эҳтиётсизлик оқибатида алангага сабаб бўлиш айблови билан 118 киши қўлга олинган.
Полиция барча ҳолатни ўрганиб чиққач, қўлга олинганларнинг аксариятини қўйиб юборди, лекин 18 киши назорат остида сақланади ва уларга айблов қўйилади.
Қўлга олинганлар орасида кўнгилли ўт ўчирувчи ҳам бор. У ўтни атайин ёндириб, кейин ўчирмоқчи бўлган. Аммо унинг бу ҳаракати 4 та катта аланга ўчоғини келтириб чиқарди.
Полиция аҳолиси ёнғин туфайли эвакуация қилинган яшаш пунктларини қўриқлашни давом эттирмоқда. Қаровсиз қолган уйларда ўғрилик қилаётган 6 киши ҳибсга олинган.
Эслатиб ўтамиз, Грецияда ўрмон ёнғинлари икки ҳафтадан бери давом этмоқда.
Сўнгги бир неча кун ичида 600 дан ортиқ аланга ўчоғи қайд этилди.
Шарофат Маҳмудова
