Капитолий атрофига бомба ўрнатиш билан таҳдид қилган шахс қўлга олинди.
Капитолий атрофига бомба ўрнатиш билан таҳдид қилган шахс қўлга олинди.
Бундан аввал Америкада фуқаролардан бири Байден билан учрашиш учун Капитолий атрофига бомба ўрнатганини хабар қилган эдик.
Полиция у билан бир неча соатлик музокара олиб борганидан сўнг машинада бомба йўқлигини аниқлади. Аммо машинасидан портловчи модда ясаш учун мўлжалланган материаллар олиб қўйилди.
Эркакнинг шахси аниқланди. Унинг исми Рей Роузберри бўлиб, 49 ёшда. Сўнгги пайтларда у Шимолий Каролинада яшаган. У ўзининг Facebook саҳифасида машина кабинасидан тасвирлар жойлаган. Ҳозир унинг аккаунти блокланган.
Капитолий полицияси Twitter'да ҳодиса бўйича кун давомида иккинчи брифингни ўтказишини ваъда берган.
Капитолий полицияси раҳбарининг айтишича, рақамсиз машина кутубхона яқинида тўхтаган. Ҳайдовчи полицияга машина ичида бомба ва детонатор борлиги, уни ҳозир портлатишини айтган.
Полиция вазиятни тинч йўл билан ҳал қилиш мақсадида ҳайдовчи билан музокарага киришди. Шу билан бирга, машина атрофи ўраб олиниб, ҳудудга снайперлар юборилди.
АР хабарига кўра, орадан қарийб 5 соат ўтгач ҳайдовчи машинадан чиққан.
Шарофат Маҳмудова
