Словакия толиблар эвакуацияга рухсат бермаганини иддао қилди
Словакия ташқи ишлар вазири Иван Корчок толиблар Кобулдан 20 кишининг эвакуациясига рухсат бермаганини айтиб ўтди.
Вазирнинг сўзларига кўра, афғонлар Норвегия самолётида Словакияга эвакуация қилиниши керак бўлган. Лекин улар назорат пунктидан ўтказилмаган.
Корчокнинг сўзларига кўра, ТИВ уларга ёрдам бериш мақсадида барча воситаларни ишга солган. Мигрантлар 27 август куни Тбилисига етказилиши ва у ердан Словакияга олиб кетилиши кўзда тутилган. Крочок улар аэропортга кириш жойида тўхтатиб қолингани ва қурол билан таҳдид қилинганини айтган.
Вазир толиблар бу билан ўз ваъдасига хилоф иш қилаётганини, Кобул аэропортидаги вазиятга таъсир ўтказа олмаслигини таъкидлаган.
Эслатиб ўтамиз, бундан аввал минглаб британияликлар афғон қочқинларига уйидан жой ажратмоқчи экани хабар қилинган эди.
Жаҳонгир Қўзиев
