Истанбулдаги икки йирик кўприк Ўзбекистон байроғи рангларида ёритилади
Туркиянинг Истанбул шаҳридаги икки йирик кўприк Ўзбекистон Республикаси Мустақиллигининг 30 йиллигига бағишлаб Ўзбекистон байроғи ранглари билан ёритилади.
Қайд этилишича, бугун, 1 сентябрь куни Фотиҳ Султон Меҳмет ҳамда Шаҳидлар кўприги Ўзбекистон байроғининг яшил, кўк, қизил ва оқ рангларига безалади.
Мазкур визуал шоуни соат 20:00 дан эрталабга қадар кўриш мумкин бўлади.
Аввалроқ Ўзбекистон мустақиллигининг 30 йиллиги шарафига Малайзия пойтахти ҳамда АҚШ ва Канаданинг асосий диққатга сазовор жойи, дунёга машҳур Ниагара шаршараси Ўзбекистон байроғи рангларида ёритилиши ҳақида хабар берилганди.
Эслатиб ўтамиз, 2020 йилда Ўзбекистон мустақиллигининг 29 йиллиги муносабати билан Бирлашган Араб Амирликларининг Дубай шаҳрида жойлашган дунёнинг энг баланд иморати Бурж Халифада Ўзбекистон байроғи 1 сентябрь куни 1 дақиқа давомида намойиш этилганди.
