Ҳиндистонда яна бир вирус аломатлари аниқланди

 

 

Расмий маълумотларга кўра, Нипаҳдан 12 ёшли бола вафот этган. Шундан сўнг вирус топилган Кожикоде  ва унга қўшни учта  ҳудудда хавфсизлик чоралари, эпидемиологик кузатув кучайтирилди. Шифокорлар вафот этган бола билан алоқа қилган 251 кишини аниқлаб, текширувдан ўтказди.

 

"Кожикоде тиббиёт коллежи ва шифохонасида 38 киши изоляция қилинган: улардан   касаллик аломатлари аниқланган. Саккиз кишининг тест намуналари текшириш учун  Миллий вирусология институтига юборилган", — дейилади хабарда.

 

Нипаҳ вируси ўлим хавфи юқори бўлган юқумли касаллик саналади. 70 фоиз ҳолат ўлим билан якунланади. Унга қарши  вакцина йўқ. Ушбу вирус биринчи марта 1999 йилда Малайзияда рўйхатдан ўтган. Иситма, бош оғриғи, серуйқулик, нафас олиш муаммолари, дисориентация — унинг асосий белгилари саналади. Унга чалинган бемор бир-икки кундан кейин комага тушади. Мевалар билан озиқланадиган учувчи ҳашоратлар — вируснинг табиий ташувчилари .

 

Эслатиб ўтамиз, ўтган йилнинг декабрь ойида Ҳиндистонда нипаҳдан бир киши вафот этди, яна бир неча  киши касалхонага ётқизилди. Орадан кўп ўтмай Жаҳон соғлиқни сақлаш ташкилоти ушбу вирус билан боғлиқ пандемия эҳтимоли мавжудлиги ҳақида огоҳлантирган эди.

 

Аввалроқ, Ҳиндистоннинг Уттар-Прадеш штатида сўнгги бир ҳафта ичида номаълум вирусдан иситма қилиб 68 киши вафот этгани ҳақида хабар берилди.

 

 

Насиба Тўхтаева