Жо Байден 11 сентябрь воқеаларининг 20 йиллиги муносабати билан Америка халқига мурожаат қилди
АҚШ президенти Жо Байден 11 сентябрь воқеаларининг 20 йиллиги муносабати билан қурбонлар хотирасига ҳурмат бажо келтирди ва Америка халқига мурожаат қилди. Бу ҳақда «Korrespondent.net» хабар бермоқда.
«Мен учун 11 сентябрь — катта сабоқ. Унинг моҳияти шундан иборатки, энг ожиз дамларда, Америка руҳи учун курашда бирлик бизнинг энг улкан кучимиз бўлди. Бирлик ҳаммамиз ягона нарсага ишонишимиз кераклигини англатмайди. Биз бир-биримизга ва ушбу миллатга нисбатан ҳурмат ва ишончда бўлишимиз лозим», — деди Оқ уй раҳбари.
Унинг таъкидлашича, «инсон табиатининг қора кучлари — қўрқув ва ғазаб, нафрат ва зўравонлик Америка бирлигига путур етказа олмади».
Аввалроқ АҚШда содир этилган 11 сентябрь терактларига 20 йил тўлгани ҳақида айтилганди.
