Жаҳоннинг энг йирик ўнта нефть компанияси 6 ойда 825 миллиард доллар ишлаб олди
2021 йилнинг биринчи ярмида дунё нефть компаниялари катта даромад кўрган. Бу ҳақда “Anadol” хабар берган.
Ҳисоб-китобларга кўра, жаҳоннинг энг йирик ўнта нефть компанияси 6 ойда 825 миллиард доллар ишлаб олган. Бу ўтган йилнинг шу даврига нисбатан 45.8 фоизга кўп.
Гап ”BP”, “Chevron”, “Eni”, “Equinor”, “ExxonMob”, “Royal Dutch Shell”, “Saudi Aramco”, “Total”, “Роснефть” ва “Лукойл” ҳақида кетмоқда. Ўтган йили пандемия туфайли бошланган иқтисодий инқироз ортидан дастлабки олти ойда нефтдан 566 миллиард доллар даромад олинган.
“Chevron”,”Equinor”,”Saudi Aramc” ва “Лукойл” энг катта даромад олган компаниялар сирасига киритилган. Хусусан, “Saudi Aramco” даромади 66.8 фоизга, “Лукойл”ники эса 53.8 фоизга ортган.
Шу билан бирга фақат ”Saudi Aramco” биринчи ярим йилликни соф фойда билан якунлаган. У январь ойидан буён 45 миллиард доллар фойда кўрган.
2021 йилдан дунё миқёсида иқтисодий тикланиш жараёни бошланган. Ҳозирда нефть ва газга талаб юқори. Айниқса, газ нархи ошиб бормоқда. Жумладан, бугун Европада 1000 кубометр газ 710 долларга кўтарилди.
Аввалроқ, АҚШда қиш мавсумида газ танқислиги юз бериши мумкинлиги хабар берилганди.
Жаҳонгир Қўзиев
