Мисрда иккита янги сайёҳлик шаҳри пайдо бўлади
Яқин ойларда Мисрда иккита янги сайёҳлик шаҳри пайдо бўлади. Бу ҳақда "Izvestiya" газетаси хабар қилди.
Келгуси бир неча ой ичида иккита мутлақо янги сайёҳлик шаҳарини очиш режалаштирилган. Аль-Галяля деб номланган биринчи шаҳар шимолда, Қоҳирадан Қизил денгизга 100 км масофада жойлашган бўлади.
Аль-Аламин деб номланган иккинчи шаҳар эса Ўрта ер денгизи соҳилида, Искандария яқинида бўлади.
Миср ҳукумати барча туристик ҳудудлар ва шаҳарларни турли йўллар билан боғлаш устида иш олиб бормоқда: арзон авиакомпаниялар, парвоз дастурлари, тезюрар автомобиль йўллари, темир йўллар.
Эслатиб ўтамиз, Миср ҳукумати коронавирусга қарши тўлиқ эмланган чет эллик сайёҳларни мамлакат ҳудудига ПЗР-тестсиз киритиши тўғрисида маълум қилганди.
Аввалроқ, Мисрда меҳмонхоналар учун минимал нархлар жорий этилиши ҳақида хабар берилган эди. 1 ноябрдан бошлаб беш юлдузли меҳмонхонада яшашнинг минимал нархи ҳар бир кишига 40 доллар, тўрт юлдузли меҳмонхонада 28 доллар бўлади.
Насиба Тўхтаева
