Байден: Табиий офатлар зарари 100 миллиард долларни ташкил этмоқда
2021 йилда АҚШ табиий офатлардан 100 миллиард доллардан ортиқ зазар кўрган. Бу ҳақда президент Жозеф Байден маълум қилди.
Байден Колорадо штатидаги чиқишида табиий офатлар ҳақида гапирагн. “Ўтган йили табиат билан боғлиқ фалокатлар бизга 99 миллиард долларга тушган эди. Бу йил рекорд янгиланиб, 100 миллиарддан ошади”, - деган президент.
“Куни кеч мен Калифорнияда “Калдор” ўрмон ёнғинлари оқибатларини ўз кўзим билан кўрдим. Йил бошидан бери мамлакатда 44 минг ўрмон ёнғини содир бўлган, оқибатда 5.6 миллион акр (2.2 миллион гектар) майдонда ўрмонлар йўқ бўлиб кетган. Сўнгги икки ҳафта ичида, шунингдек, “Ида” тўфонининг етказган зарарини кўриш мақсадида Луизиана, Нью-Йорк ва Нью-Жерсида бўлдим”, - деб қўшимча қилган Байден.
АҚШ етакчиси фикрича, табиий офатлар бундан буёғига ҳам давом этади. Улар келажакда ҳозиргиданда ҳалокатлироқ бўлиши мумкин. Байден табиий офатларнинг бош сабаби сифатида иқцлим ўзгаришини кўрмоқда. Президент иқлим ўзгариши оқибатларига қарши тура олишда инвестития киритишга чақирган.
Маълумот учун, август охирида Луизианага кириб келган “Ида” тўфони катта зарар келтирган. Тўфондан кейин миллионга яқин инсон электр ва интернетсиз қолди. Ўшанда шамол тезлиги соатига 250 километрни ташкил қилган эди.
Жаҳонгир Қўзиев
