Хитойнинг Буюк Британиядаги элчисига мамлакат парламентига келиш тақиқланди
Хитойнинг Буюк Британиядаги элчисига мамлакат парламентига келиш тақиқланди. Бу ҳақда “The Guardian” хабар берди.
Ушбу тақиқ Пекин Британия парламентининг айрим аъзоларига санкция жорий этишига жавобан қўйилди. Қайд этилишича, элчи Чжень Цзегуань Хитойга нисбатан яхши муносабатда бўлган партия аъзолари билан учрашишни режалаштирган.
Парламент умумпалатаси спикери Линдси Хойл токи Британия вакилларига қўйилган санкциялар олиб ташланмас экан, тақиқ ўз кучини сақлаб қолишини маълум қилган. Лордлар палатаси раиси Жон Макфолл эса элчи билан қўшма тадбирлар тугамаслигини, аммо бошқа жойда ўтказилиши мумкинлигини таъкидлаган.
Хитой элчихонаси бу қадамни “қабиҳлик ва қўрқоқлик” деб баҳолаган. Шунингдек, парламент вакилларига қўйилган тақиқлар Британиянинг Хитой амалдорларига қўйган чекловларига нисбатан жавоб бўлгани айтилган.
Бундан авал Хитойнинг АҚШдаги элчиси Вашингтонга "овозни ўчириш”ни таклиф қилган эди.
Жаҳонгир Қўзиев
