Метрода галдаги носозлик
Бугун, 20 сентябрь соат 09:10 да Тошкент метросининг “Ғофур Ғулом” бекатидан “Чорсу” бекатига ҳаракатланиши лозим бўлган 41-йўналишдаги ҳаракат таркибида, ҳаво тақсимлаш тизимида техник носозлик юзага келган.
Бу ҳақда Тошкент метрополитенининг Жамоатчилик билан алоқалар бўлими мутахассиси Илхомжон Қосимов Zamon.uz маълум қилди.
Ҳаракат хавфсизлигини таъминлаш мақсадида, йўловчилар бекатда туширилган ва ортда ҳаракатланиб келган 43-йўналишдаги ҳаракат таркиби ёрдам сифатида етиб, носоз ҳаракат таркибини техник кўрик пунктига олиб кетган. Техник носозлик 09:25 да бартараф этилган.
"Келтирилган ноқулайликлар учун узр сўраймиз" — дейди, “Тошкент метрополитени” УК ўз хабарида.
Эслатиб ўтамиз, Пойтахт метросида шу каби ҳолат аввал ҳам юз бергани, метронинг "Ойбек" ва "Тошкент" бекатлари оралиғида поездлар ярим соатча тўхтаб қолгани ҳақида хабар берган эдик.
Муножат Валиева
