Путин Пермдаги отишмада жасорат кўрсатган полиция ходимини мукофотлади
РФ президенти Владимир Путин Пермда отишма уюштирган Тимур Бекмансуровни зарарсизлантирган полиция ходимини олий мукофот билан тақдирлади.
Кичик лейтенант Константин Калинин “Жасорат” ордени билан мукофотланган. Ҳуқуқни муҳофаза қилиш органи ходими “жасорати, довюраклиги ва фидокорлиги” туфайли тақдирланди. Бундан ташқари, полиция катта лейтенанти Владимир Александрович Макаровга “Жамоат тартибини сақлашда кўрсатган хизматлари учун” мукофоти берилган.
20 сентябрь куни Бекмансуров травматик қурол билан ўт очган. Оқибатда, ҳозирга қадар 8 киши вафот этган, 43 нафари жароҳатланган.
Эслатиб ўтамиз, аввалроқ Пермда отишма содир этган собиқ талабага умрбод қамоқ жазоси берилиши мумкинлиги ҳақида хабар берилганди.
Жаҳонгир Қўзиев
