Чақалоқлар учун ҳам вакциналар ишлаб чиқарилади
Коронавирус пандемияси бир йил ичида тугаши мумкин. Бу ҳақда Моderna бош директори Стефан Бансел маълум қилди, деб ёзади “Reuters”.
"Агар сиз ўтган олти ойда ишлаб чиқариш қувватининг умумий саноат кенгайишига қарасангиз, келгуси йилнинг ўрталарига келиб ер юзида барча учун эмлаш дозалари етарли бўлиши керак", — дейди Бансел.
Бундан ташқари, яқинда чақалоқлар учун ҳам вакциналар пайдо бўлади. Бу келгуси йилнинг иккинчи ярмида нормал ҳаётга қайтишни англатади.
ЖССТ маълумотларига кўра, Дельта штамми коронавируснинг қолган штаммларини деярли сиқиб чиқарган. Қўшма Штатлар камбағал мамлакатлар учун "Pfizer" вакцинасини сотиб олишни икки баробарга ошириши маълум қилинди. АҚШ ташаббуси 2022 йил охиригача дунё аҳолисининг 70 фоизини эмлаш имконини беради, деб тахмин қилади Бансел.
Бундан аввалроқ, Хитойлик олимлар ўтказган тадқиқот натижаларига кўра, коронавируснинг Қўшма Штатларда тарқалиши 2019 йил сентябрь ойидан бошланган бўлиши мумкинлиги тўғрисида хабар берган эдик.
Насиба Тўхтаева
