Криминал авторитетга эга жиноятчи суд залининг ўзида отиб ўлдирилди

Унинг айтишича, қотиллар суд биносига адвокатлар қиёфасида кириб олишган. Житендер Гоги қатор жиноятларга дахлдорликда гумон қилиниб, ўтган йили “Тихар” қамоқхонасига келтирилганди.

 

“Тиллу тўдаси” номи билан танилган жиноий гуруҳ Гогини ўлдиришга қасд қилгани маълум бўлгач, полиция унинг хавфсизлигини таъминлаш учун касалхонада вафот этган, дея хабар тарқатганди. Бироқ, бу хийла иш бермади. Кеча, 24 сентябрь куни суд залига келтирилган Гоги гувоҳлар ва судьянинг кўз ўнгида отиб ташланган.

“Рақобатчи гуруҳнинг икки аъзоси суд биноси ичида Житендер Гогига ўқ узган. Полиция тезкор ҳаракатланиб, икки қотилни ўлдирган. Суд залида жами уч киши ҳалок бўлган. Умумий 30 та ўқ узилган. Суд биносидаги металл қидиргич ишлаганми-йўқми, буни ҳали аниқлаймиз. Ҳозирча бунга изоҳ беролмайман. Суриштирувни бошладик, ўқ узишга дахлдор ҳеч кимни аяб ўтирмаймиз”, — деган Ракеш Астана “NDTV” телеканалига берган интервьюсида.

Эслатиб ўтамиз, аввалроқ, Россиянинг Пермь шахрида отишма содир содир бўлгани ҳақида хабар берилганди.

 

 

Муножат Валиева