Пермь университетидаги отишмадан жабрланганлар сони ошди
Ҳозирга келиб 43 киши ҳодиса оқибатида жабрланган. Улардан бирининг аҳволи оғир бўлиб, у отишма содир этган Тимур Бекмансуровнинг ўзи.
Ҳозирча шифокорлар унинг болдирининг бир қисмини кесиб ташлаган. Унинг ҳолати беқарор бўлиб қолмоқда.
20 сентябрь куни Россиянинг Пермь давлат университети ҳуқуқшунослик факультетининг суд экспертизаси йўналишида таҳсил олган собиқ талаба Темур Бекмансуров қуролланган ҳолда ўқув биноси ичига бостириб кириб, травматик қурол билан 8 кишининг умрига зомин бўлган ва 24 кишини жароҳатлаганди.
Россия бош вазири Михаил Мишустин жабрланганларга компенсация тўланишини маълум қилган. Унга кўра, ҳалок бўлганларларнинг оила аъзоларига 1 миллион, оғир жароҳат олганларга 400 минг, енгил жароҳатланганларга 200 минг рублдан тўлаб берилади. Мишустин “Бўлиб ўтган ҳодиса — бизнинг умумий фалокатимиз”, — деган.
Эслатиб ўтамиз, аввалроқ отишма оқибатида жабрлнганлар орасида Ўзбекистон фуқаролари йўқлиги маълум қилинганди.
Жаҳонгир Қўзиев
