АҚШ Хитойга Эрон масаласида илтимос билан чиқди
АҚШ Хитойни Эрон нефтини сотиб олмасликка чақирди. Бу ҳақда “Рейтер” агентлиги хабар берди.
АҚШ шу орқали Теҳронни ядро дастури бўйича музокараларга қайтармоқчи. Эрон нефтининг Хитой компаниялари томонидан сотиб олиниши мамлакат иқтисодиётининг буткул инқирозга тушишидан сақлаб туради. Бу Эронга нисбатан жорий қилинган АҚШ санкциялари шароитида катта ёрдам беради.
“Биз Хитой компанияларининг Эрон нефтини сотиб олишидан хабардормиз”, – деган исми сир қолишини истаган АҚШлик амалдор. Унинг қўшимча қилишича, Вашингтон вазиятдан келиб чиқиб Теҳроннинг чекловларни четлаб ўтиб ташқи савдо фаолияти юритишига қарши санкциялардан фойдаланишда давом этади. Шу билан бирга Хитой билан боғлиқ вазиятда АҚШ дипломатик йўллардан фойдаланиши маълум қилинди.
Европалик бошқа амалдорнинг (у ҳам номи сир қолишини хоҳлаган) айтишича, АҚШ давлат котиби ўринбосари Венди Шерман Хитойга ташриф буюрганда бу мавзу кўтарилган. Ғарб Пекинни Эронга ёрдам беряпти, деб ҳисобламоқда. "Kpler" таҳлилий компанияси маълумотларига кўра, Хитой август ойида Эрондан суткасига 553 минг баррель нефть сотиб олган.
Аввалроқ Исроил мудофаа вазири Эроннинг тез орада ядро қуролини қўлга киритиши ҳамда Теҳроннинг ядро музокараларига қайтиши ҳақида хабар берилган.
Жаҳонгир Қўзиев
